Skip Navigation LinksAccueil > L'associacion > Actualitats

Dificultats gramaticaus

de

Clàudia Labandés

Frasas arreviradas e de compte har
Aquestas « frasas complèxas », atau batiadas peus aprenents, que son classadas per tèma e arregropadas en capítols : emplec deu preterit, concordança deus temps, arreviradas especificas,
etc.
Mes que v’avisaratz tanben que daubuas dificultats ne hèn pas l’objècte d’un capítol e totun que son presentas, com per exemple l’arrevirada de bien ; aqueth mot que la pensada francesa emplega hèra sovent, e qui en gascon demanda ua reflexion particulara. Be n’i a mantua atau !
A vosautas e vosautes de ve’n servir e de las ve har vòstas.

15,5 x 21,5 – 128 paginas – 2019 – 7,5 €

ISBN : 978-2-86866-149-4

a


Beròja vita de can

de

Christian Voltz

Dià ! Que hè un hred a pelar aqueste matin, un temps de can !La jornada que comença mau e lo noste omiòt que la va traversar com un gran zoo poplat de tot l’ahoalh de las expressions animalèras. Tots los noms d'ausèths qu’i van passar, mes un encontre hèra imprevist que’n harà un moment hèra uman a la fin finau !

21 x 21 – 48 paginas – 2019 – 13,5 €

ISBN : 978-2-86866-147-0

a


Un messatge imperiau

e racontes mei

de Franz Kafka

Revirat de l'alemand per Elisa Harrer


Franz Kafka (1883-1924), l’ua de las figuras màgers de la literatura deu sègle XXau, que ns’a deishat ua òbra autan fascinanta com desconcertanta e qui a suscitat mantua interpretacion. Los dètz-e-ueit racontes retienguts ací que’s pòden léger, a un purmèr nivèu, com l’autoportrèit fragmentat d’un òmi singular, traucat de contradiccions, incapable de víver dens la realitat, e tau quau l’escritura estó un sauvanegadís e constituí lo sol lòc on pensè poder existir sancèrament. Mes aquera activitat qu’estó tanben ua hont de torments infinits tad aqueth escrivan crudanhat peu dobte e fin finau desirós que la quasi totalitat de la soa produccion estossi destrusida. Se l’òmi e l’autor e son tots sancèrs en aqueths tèxtes, ne n’ei pas mensh legitime d’i véder tanben, mei generaument, un imatge de la condicion umana, l’imatge d’un èste marchant perpetuaument sus un camin qui ne’u miarà pas jamei enlòc, d’un èste cercant perpetuaument un sens ultime qui tostemps l’escaparà.

108 paginas – 14 x 22 – 2019

ISBN : 978-2-86866-150-0

a