Tot adarron de la marlèra
escotatz plan la canta bèra.
Totas amassa
daunas graulhas
cantan.
Cantan en s’i har au mei plan
atau com si èran a l’opèra.
A l’opèra
Croà, croà
a l’opèra
croà, croà !
Non créditz pas qu’ei un hazard
si tan plan cantan lo Mozart
Saben tanben cantar Verdi
com si èran totas Pavarotti
o l’estimada Maria Callas.
Drin mei abans tot que càmbia
graulhas gahan ua auta via
sautar, dançar
qu’ac saben har :
Gershwin e jazz plan que s’i hèn
tà har petar « Singing in the rain ».