Qu’èra en un cafè d’Aira,
Devantura pintrada e los estants de hèr.
Sietat, pipa a la boca, un òmi, com se hè,
Que’s bota dus tarròcs de sucre au son cafè.
Lo sucre ditz : « Ah, tu gran avalaire
B’ès tu lo maishant gus !
En dus torns de culher, cafè, que te m’avalas.
Lo sucre n’a pas òs ne balas
E que hè bon lo jus. »
Lo cafè que’u respon : « Amic, arren ne i ganhi.
Dab l’òmi, jo, com tu, creds que m’ac esparanhi ?
Que nse s’avala a tots los dus.
Entà nosauts lo temps que hè
Com au sucre lo cafè
E qu’ac harà, lo maishant hali,
Dinc a l’eternitat per tostemps se l’avali.