TISTÈTH
Lo tistèth qu'ei vueit.
IDENTIFICACION
 
 
Diccionari etimologic / Dictionnaire étymologique de l'occitan (gascon) tòme 1 A-G - Patric Guilhemjoan
Diccionari etimologic / Dictionnaire étymologique de l'occitan (gascon) tòme 1 A-G Patric Guilhemjoan 21 x 15,5 - 487 paginas - 2022

N’existiva pas au sens estricte nat diccionari etimologic occitan ni tanpauc especificament gascon. Un tau obratge que presenta un interès filologic e lingüistic mes tanben, pr’amor d’estar redigit dens la grafia classica normalizada, la mei espandida au dia de uei, qu’estableish un ligam dirècte dab las arradics de la lenga a las soas originas pre-indo-europèas, latinas, a còps cèltas, eventuaument francicas, puish miejancèras. L’establiment dirècte d’aqueth ligam en un tau obratge que justifica d’autan mei l’usatge deu sistèma grafic normalizat, enqüèra a còps contestat, qui hica a la lutz la proximitat naturau dab lo catalan e las autas lengas romanicas.

Aqueste obratge que s’empara sus un ensemble de honts, la valor scientifica de las quaus a calut determinar, puish compilar entà confrontar las informacions e enfin presentar ua sintèsi critica. Lo crotzament, la sintèsi comparada e la compilacion d’aqueras honts que hèn vàder un obratge de sostien entà l’estudi especific deu gascon e mei largament de la lenga occitana.