- Adishatz que vau presentar Florent, un pescaire. Mes qu’ès joen entà har aquò ? Quin atge as ?
- Qu’èi onze ans.
- Mes on pescas Florent ?
- Que pesqui sus la còsta aquitània de Hendaia dinc a Montalivet.
- E çò que pescas?
- Que pesqui lobinas, turbòts, vivas, muges, e d’autes peishs.
- E dab qué pescas Florent ?
- Que pesqui dab ua cana, un molinet, hiu e ua baisha de linha dab ams e plom.
- E dab qué atiras los peishs ?
- Qu’atiri los peishs dab pasturas qui son duras, miejas duras, tanben dab arenicòlas e en estiu dab vèrmis blus.
- Qui t’a balhat la passion de la pesca.
- Que son lo pair e la mair, hòrt bons pescaires. Lo pair qu’es mei d’un còp campion de las Lanas e d’Aquitània e la mair campiona de França en 2010.
- Quan hès competicions ?
- Deu miei de heurèr dinc a julhet.